بكره احلى

بي قصيـــــده وابيـك تقـــولهـا فينـي
ابي المشاعـــر تـــــــوردنـي ركايبهـا
@@
إن كنت غـــــالي عليك وكنت تغلينـي
ابي قصيــــدة وبيـك الحـــــيـن تكتبهـا
@@
قلت ابشـــري بالقصيده يانظـر عيني
وشلــــون ماكتب قصيده وانت تطلبهـا
@@
باهــديلك أغـلى قصــيدة في دواوينـي
بكتب بيوت الشـعر وأنقى من أعـذبـها
@@
ابيات شعـــري لجــــل عينـك تنادينـي
قامت تــــوارد على فكــــــري وارتبهـا
@@
يامنــبع الحسن و ياسيـد المــزايينـي
جذبت روحي وفيك الـــــوصف معجبها
@@
القــلب مايهتـــوي غيــــرك يخــاوينـي
والعين غيــــرك عيـــــونـي مايناسبهـا
@@
حبك بدمي سلـك مجـرا شـــــرايينـي
عــرضتني ياهــــــوى قلبـي مصايبهـا
@@
يابـــو عيـــون إلى سلهـم تنـــــــاجينـي
سلبت عقلي واخاف الــــروح تسلبهـا
@@
ماغيـــرك احــدٍ بهـا الــدنيـا يــداوينـي
حالــي عليــله وسهم الحــــب صايبهـا
@@
يافـــرحة ايام عمـــري روعة اسنينـي
انتِ هــوى الـــروح ياقلبي ومكسبهـا
@@
هاجــوس فكـــري على دارك يودينـي
تسهر عيوني مــن اجلك وانت مطلبها
@@
يا داعج العين مــــن غيـــــرك يكفينـي
وشلـــون ابعيــش دار مــاتعيـش ابهـا
@@
بعطيك قلبي وانا ابغي منك تعطينـي
بسمتـك باللــه عليـــــــه لاتشـح ابهـا
@@
ضحكتك يانابي الـــردفيـن تــرضينـي
تجلــي همـــومي الـى زادت لهايبهـا
@@
لامــن جرى الوصل مابين المحبينـي
العـــــين تسعد الـى شافـت حبايبهـا
@@
وان كــان جار الــزمن مابينك وبينـي
انـــا دخيـــلـك حيــــاتـي لاتعــــذبـهـا
@@
ان غبت عنـي تعــــذبنـي وتشقينـي
واعــد لاغبــت لحــــظاتـي واحسبهـا
@@
وان جيــت ادور على شي يسلينـي
وشلـــون ابسلا ونــــور العين غايبهـا
@@
هــذي القصيده وابي منك تعذرينـي
تستاهلي ابيات شعري يـوم تطلبهـا

وسلامتكم

__________________
لاخاب ضني في الرفيق الموالي

مالي مشاريه على باقي الناس